बिहिवार, आश्विन २२ गते २०८३
बिहिवार, आश्विन २२ गते २०८३
बुधवार , आश्विन २१, २०८३
काठमाडौं, २१ असोज । नेपाली कांग्रेसका महाधिवेशन प्रतिनिधि निलहरि बाँस्तोलाले पार्टीको १५औँ महाधिवेशनबाट योग्य, सक्षम र पार्टीलाई सही दिशामा अघि बढाउन सक्ने नेतृत्व चयन हुनुपर्ने बताएका छन् ।
कांग्रेसको पर्यटन क्षेत्रको प्रतिनिधित्व गर्दै महाधिवेशन प्रतिनिधिका रूपमा सहभागी बाँस्तोलाले कांग्रेसको आगामी नेतृत्व चयन पार्टीको संगठन सुदृढीकरण, लोकतान्त्रिक मूल्य–मान्यता र जनताको अपेक्षालाई केन्द्रमा राखेर हुनुपर्ने बताएका हुन् ।
उनले महाधिवेशनलाई केवल नेतृत्व परिवर्तन गर्ने अवसरका रूपमा नभई पार्टीको आगामी कार्यदिशा तय गर्ने महत्वपूर्ण अवसरका रूपमा लिनुपर्नेमा जोड दिएका छन् ।
बाँस्तोलाले नेपालको ग्रामीण र दुरदराजका जनतालाई कांग्रेसले बोकेर हिँड्नसक्ने नेतृत्व अहिलेको आवश्यकता भएको बताए । पार्टीलाई समयअनुकूल रूपमा अघि बढाउन सक्ने, कार्यकर्ताको भावना बुझ्ने र जनतासँगको सम्बन्ध थप मजबुत बनाउन सक्ने नेतृत्व आवश्यक रहेको उनको भनाइ छ ।
बाँस्तोलाले महाधिवेशन प्रतिनिधिहरूले उम्मेदवारको क्षमता, योगदान, विचार र पार्टीप्रतिको प्रतिबद्धतालाई आधार बनाएर नेतृत्व चयन गर्नुपर्ने धारणा व्यक्त गरेका छन् ।
उनका अनुसार कांग्रेसको आगामी नेतृत्वले पार्टीभित्रको एकता मजबुत बनाउँदै संगठन विस्तार, युवा सहभागिता र जनताका मुद्दालाई प्राथमिकतामा राखेर अघि बढ्नुपर्ने आवश्यकता छ ।
कांग्रेस १५ औँ महाधिवेशन अन्तर्गत भोलि अुसोज २२ गते नेतृत्व चयनका लागि मतदान हुँदैछ ।
© 2026 All right reserved to newsmuhan.com
Design & Developed By
