शुक्रवार, आश्विन १६ गते २०८३
शुक्रवार, आश्विन १६ गते २०८३
बिहिवार , आश्विन १५, २०८३
काठमाडौँ, १५ असोज । रसुवाको भोटेकोशीमा गत भदौ १० गते आएको बाढीबाट प्रभावित सामुदायिक कुकुरलाई खाद्य सामाग्री सहयोग गरिएको छ ।
विपद्का कारण बाटो अवरुद्ध भएपछि राहत तथा उद्दार सेवाबाट बञ्चित भएका रहेका कुकुरलाई नेपाल पशु कल्याण तथा वातावरण समाजले खाद्य सामाग्री सहयोग गरेको हो ।
विपदका कारण सडक र यातायात सम्पर्क विच्छेद हुँदा समस्यामा परेका कुुकुरलाई आज ‘टेम्पल डग रेस्क्यु’ को आर्थिक सहयोगमा विश्व खाद्य कार्यक्रमको हेलिकप्टरमार्फत रसुवाको स्याफ्रुबेसी पुगेर खाद्य सामाग्री सहयोग गरिएको हो ।
नेपाल पशु कल्याण तथा वातावरण समाजकी अध्यक्ष सुमेदा गौतमले विपद्का कारण भोकै बस्न बाध्य कुकुरका लागि स्यार्फुवेशीसम्म पुगेर खाद्य सामाग्री सहयोग गरिएको बताउनुभयो । मानिसहरूका लागि राहत पुगिरहेका बेला बोल्न नसक्ने निर्दोष जीवहरू भोकै नपरून् भन्ने उद्देश्यले पहल गरिएको उहाँको भनाई थियो ।
“मानिसका लागि राहत पुगिरहँदा बोल्न नसक्ने यी निर्दोष जीवहरू भोकै नपरून् भन्ने हाम्रो प्रयास हो, उनीहरूका लागि केही खाना पु¥याउन सक्नु पनि ठूलो सन्तोषको विषय हो,”– अध्यक्ष गौतमले भन्नुभयो ।
नेपाल पशु कल्याण तथा वातावरण समाजका कार्यकारी निर्देशक हरिप्रसाद जोशीले विपद्का बेला पशुहरू पनि उत्तिकै पीडित हुने भएकाले उनीहरूको जीवन र कल्याणलाई राहत तथा उद्दारको प्राथमिकतामा समेटिनुपर्ने बताउनुभयो ।
“विपद् व्यवस्थापन मानिस केन्द्रित मात्र हुनुहुँदैन, मानिससँगै पशुको जीवन र कल्याणलाई पनि राहत व्यवस्थापनको अभिन्न हिस्सा बनाउनुपर्छ,”–उहाँले भन्नुभयो ।
पशु कल्याण तथा वातावरणको क्षेत्रमा लामो समयदेखि सक्रिय अमि कट्टेलले विपद्का समयमा पशुहरूको अवस्था झनै संवेदनशील बन्ने भएकाले उद्धार तथा राहतका हरेक प्रयासमा उनीहरूलाई पनि प्राथमिकताका साथ समेटिनुपर्ने बताउनुभयो । उक्त समाजले स्यार्फुवेशी क्षेत्रमा रहेका ६० भन्दा धेरै कुकुरलाई खाद्य सामाग्री सहयोग गरेको छ ।
© 2026 All right reserved to newsmuhan.com
Design & Developed By
