२०८३, आश्विन १६ गते

शुक्रवार, आश्विन १६ गते २०८३

हाम्रो बारेमा
हाम्रो टिम
युनिकोड
English
होमपेज
समाचार
राजनीति
अर्थ
उर्जा / पूर्वाधार
पर्यटन
स्थानीय तह
प्रदेश
अन्तराष्ट्रिय
सुरक्षा
व्यक्तित्व
शिक्षा/साहित्य

भानु चुँदीरम्घालाई भाषा र साहित्यको गन्तव्यस्थल बनाउनुपर्छः राष्ट्रपति

न्यूज मुहान

सोमवार , बैशाख १४, २०८३

भानु चुँदीरम्घालाई भाषा र साहित्यको गन्तव्यस्थल बनाउनुपर्छः राष्ट्रपति



दमौली (तनहुँ), १४ वैशाखः राष्ट्रपति रामचन्द्र पौडेलले भानु चुँदीरम्घालाई भाषा र साहित्यको त्रिवेणीका रुपमा विकास गर्नुपर्नेमा जोड दिनुभएको छ ।


भानु नगरपालिका–४ चुँदीरम्घामा आज भानु साहित्य उद्यानको शिलान्यासपछि राष्ट्रपति पौडेलले आदिकवि भानुभक्त आचार्यको योगदानले नेपाली भाषा र पहिचान निर्माणमा महत्वपूर्ण भूमिका खेलेको बताउनुभयो ।


“भानुभक्तकै कारण हामी नेपालीको रुपमा परिचित भएका हौं,” राष्ट्रपति पौडेलले भन्नुभयो । राष्ट्रपतिले भाषा एकताको आधार भएको उल्लेख गर्दै भानुभक्तको जन्मभूमि चुँदीरम्घालाई नेपाली भाषा र साहित्यको त्रिवेणीका रूपमा विकास गर्नुपर्ने आवश्यकता औंल्याउनुभयो । साथै, भानु साहित्य उद्यान निर्माणले यस क्षेत्रलाई राष्ट्रिय तथा अन्तराष्ट्रिय स्तरमा समेत चिनाउन महत्वपूर्ण सहयोग पुग्ने विश्वास व्यक्त गर्नुभयो ।


राष्ट्रपति पौडेलले साहित्य उद्यानलाई राष्ट्रिय एकताको केन्द्र बनाउनुपर्ने धारणा राख्नुभयो । लामो समयदेखि प्रयास सार्थक हुने चरणमा पुगेको बताउँदै उहॉले यसलाई सहयोग गर्न सबैलाई अपिल गर्नुभयो । तनहुँ–२ का सांसद श्रीराम न्यौपानेले सुशासन र कानुनी आधार बलियो भएको उल्लेख गर्दै विकास तीव्रतर गतिमा अगाडि बढाउन सरकार प्रतिबद्ध रहेको बताउनुभयो ।


गण्डकी प्रदेश सरकारका अर्थमन्त्री जितबहादुर शेरचनले भानु साहित्य उद्यान साहित्यिक पर्यटनको केन्द्र बन्नेमा विश्वास व्यक्त गर्नुभयो । स्वीकृत गुरुयोजनाअनुसार साहित्य उद्यानको पूर्ण निर्माणका लागि करिब रु एक अर्ब बजेट खर्च हुने अनुमान गरिएको छ ।


चालु आर्थिक वर्षमा सङ्घीय सहरी विकास मन्त्रालयबाट रु २० करोड बजेट विनियोजन भइसकेको नगरप्रमुख आनन्दराज त्रिपाठीले जानकारी दिनुभयो । उक्त बजेटबाट शिखर कटेरीदेखि रम्घा डाँडासम्मको मोटरमार्ग स्तरोन्नति गरी कालोपत्रे सडक निर्माण गरिनेछ भने ५४ फिट उचाइको आदिकवि भानुभक्त आचार्यको विशाल प्रतिमा निर्माण गरिने उहाँले बताउनुभयो । हालसम्म गुरुयोजना कार्यान्वयनका लागि करिब ४०० रोपनी जग्गा प्राप्त भइसकेको छ ।



ताजा अपडेट

चर्चित

सम्बन्धित समाचार

  • भोटेकोशी बाढीबाट प्रभावित कुकुरलाई खाद्य सामाग्री सहयोग

  • विकास निर्माणमा देखिएका समस्या समाधान गर्न कानुन संशोधन गर्दै सरकार

  • मर्स्याङ्दी आसपासका बस्ती खाली गर्न आग्रह

  • पहिरोले घर पुरिँदा पाँच जनाको मृत्यु, एक बेपत्ता

    • सम्पर्क

    Contact Us

    • सामाजिक संजालमा
    हाम्रो बारेमा

    About Us

    पुरा पढ्नुहोस
    हाम्रो टिम

    अध्यक्ष तथा प्रधान सम्पादक : अच्युत रेग्मी 
    समाचारदाता : अञ्जु अधिकारी 
    फोटो पत्रकार : माधव श्रेष्ठ 
    बजार व्यवस्थापक : क्रिसमान तामाङ

    पुरा टिम
    लिंकहरु

    © 2026 All right reserved to newsmuhan.com

    Design & Developed By