२०८१, साउन ३१ गते भक्तपुर —गठ्ठाघरमा एक ट्रकले ठक्कर दिँदा स्कुटर चालक महिलाको मृत्यु भएपछि स्थिति तनावग्रस्त बनेको छ । ट्राफिक प्रहरीले जाँच गरिरहेकै बेला बिहीबार ट्रकले ठक्कर दिँदा स्कुटर चालक महिलाको मृत्यु भएपछि आक्रोशित स्थानीयवासी र प्रहरीबीच झडपको स्थिति बनेको हो ।
ट्रक तोडफोड गरेर स्थानीयले प्रहरीमाथि ढुंगा, इटा प्रहार गरेका थिए । प्रहरीले स्थिति नियन्त्रणमा लिन केही सेल अश्रुग्यास प्रहार गरेको थियो । प्रत्यक्षदर्शीले सुरूमा खुट्टामा मात्र किचेको र पछि ब्याक गरेर किचेको दाबीसमेत गरेका छन् । मृतकको पहिचान खुल्न सकेको छैन ।
