काठमाडौँ, २९ फागुन । नेपाली कांग्रेसका नेता एवम् पूर्वमन्त्री दिपक खड्काले सरकारले उपलब्ध गराउँदै आएको पिएसओ सुविधा नलिने हुनुभएको छ ।
निवर्तमान उर्जा, जलस्रोत तथा सिंचाईमन्त्रीसमेत रहनुभएका खड्काले आफ्नो सुरक्षाका लागि सरकारले उपलब्ध गराउँदै आएको पिएसओ सुविधा नलिने घोषणा गर्नुभएको हो ।
पूर्वमन्त्री खड्काले आफूले पिएसओ सेवा नलिनेबारे सम्बन्धीत ठाउँमा जानकारी गराइसकेको बताउनुभयो ।
नेता खड्काले यसअघि आफू सांसद र मन्त्री हुँदा पाउने सरकारी सेवा सुविधा आफ्नो गृहजिल्ला संखुवासभाका गरिब तथा विपन्न नागरिकको सेवामा लगाउँदै आउनुभएको थियो ।
